Transcript of video

Pe a e faatau mai se oloa pe totogi mo se auaunaga, e iai tulafono e puipuia au aiātatau o se tagata faatau.

Lona uiga, e iai mea patino e te faatalitalia. E puipuia e le tulafono o le Consumer Guarantees Act au aiātatau, pe a e faatauina se oloa mai se pisinisi o fefaataua'iga, e pei o se faleoloa, pe totogi se isi e faatino se auaunaga, e pei o le pisinisi faufale po'o le pisinisi su'isu'i.

E tele au aiātatau o se tagata faatau, ae iai lava aiātatau ia e nofouta iai. Pe a e totogia ni oloa ma auaunaga, e te faatalitalia na mea ia saogalemu, o loo tulaga lelei mo le faaaogā, ma leai se faaletonu. E tatau foi ona fetaui ma le manaoga na totogi ai. Lona uiga o le mea na e totogia e tatau ona faatino ai le galuega na fua i ai lona fausaga — e pei o se tipoti, e tatau ona faapuna ai le vaivela, ma apa atofale e tatau ona malu ai le fale pe a timu.

Afai e te totogia se mea ae lē ola, e vave gau pe ta'e, pe lē o mafai ona faatino ai le mea na fuafua e fai ai, e mafai ona e alu e ave e toe lipea, toe sui mai i se isi mea, o nisi foi taimi e toe faafoi mai lau tupe, mai le tagata na faatau mai ai poo le vaega e ana le auaunaga.

E faato'ā puipuia oe e le tulafono o le Consumer Guarantees Act, pe a e faatauina se mea mai se pisinisi o fefaataua'iga i Niu Sila — e lē o aofia ai lou faatauina o se mea mai se isi tagata pe na faatau mai se isi atunuu.

Afai e faaletonu se mea na e faatauina, poo se auaunaga na e totogia, manatua o loo iai tulafono e puipui ai au aiātatau o se tagata faatau.

 

Back to Consumer Guarantees Act